AD_ Wide Top

‘महजोडी’ नाम मैले राखिदिएँ, तर मेरो जोडी भने चिरा पर्यो– कलाकार राजाराम पौड्याल

२७ पुष,२०७३  |   For see network

below social share detail page adv


loading...
‘महजोडी’ नाम मैले राखिदिएँ, तर मेरो जोडी भने चिरा पर्यो– कलाकार राजाराम पौड्याल

तपाईँ हाँस कलाकार होकी कलाकार हो दाई भनेर सोध्दा कलाकार राजाराम पौड्याल मत भाले हो भन्दै मजाले हाँसे । भाले भनेको पुलिङग हो । अहिले भाले हो अब हाँस अनि कुखुरा पनि हुन्छु, उनले थपे ।

अहिले नेपाल टेलिभिजनबाट प्रसारण हुने प्राय सबै हाँस्य टेलिशृङखलाहरु बन्द भएका छन् । मेरी बासै, तित्तो सत्य, जिरे खुर्सानी लगायत अन्य केही नाम चलेका सिरियलहरु बन्द भएपछि ती सिरियलहरुको ठाउँमा केही नयाँ सिरियलहरु नेपाल टेलिभिजनमा आउन थालेका छन् । यहि नयाँ सिरियल मध्येको एक सिरियल हो, ‘होकि क्या हो’ । नेपाल टेलिभिजनबाट प्रत्येक बुधबार बेलुका ९ः३० मा यो सिरियल हामीले हेर्न सक्छौँ । जिरे खुर्सानीमा ‘परेको म बेहोरौँला’ भन्ने कलाकार राजाराम पौड्याल पनि अहिले यहि सिरियलमा काम गरिरहेका छन् । आफ्नो नयाँ सिरियलले दर्शकको माया पाउनेमा राजाराम विश्वस्त छन् । नयाँ सिरियल ‘होकि क्या हो’ मा काम गर्न थालेका तिनै हाँस्य कलाकार राजाराम पौड्यालसँग आज हामीले उनको कलाकारिता यात्राका बारेमा केही कुराकानी गरेका छौँ । पढ्नुहोस् उनकै शब्दमा ।

‘परेको म ब्यहोरौँला’ थेगोले यहाँ सम्म ल्यायो
‘परेको म ब्यहोरौँला’ थेगो हाँस्य टेलिश्रृङखला जिरे खुर्सानीमा काम गर्ने समयमा जितु नेपालले मलाई दिनुभएको हो । तर मलाई थेगो भनेपछि फिटिक्कै मन नपर्ने । अनि ‘जिरे खुर्सानी’मा काम गर्ने क्रममा यो थेगो नराख्दा हुन्न ? भनेर जितुलाई मैले भन्दा होईन दाई एक पटक बोलेर हेराँै के हुन्छ भन्ने कुरा गर्नुभयो । पछि मैले बोलेँ जसलाई सबै दर्शकले मनपराउनु भयो । मेरो कलाकारित यात्रामा कायापलट गरेको नै यहि थेगोले हो । यो थेगो मैले मन नलागि—नलागि बोलेको थिएँ । कलाकारिता यात्रामा आफूले सोचेको जस्तो हुन्न रैछ । यहि थेगोका कारण, यहाँ कलाकारको मनमर्जी भन्दा पनि दर्शकले के खोज्नु भएको छ भन्ने कुरालाई ध्यान दिनुपर्छ भन्ने मैले थाहा पाएँ ।

Rajaram-Poudel

पहिले र अहिलेको कलाकारितामा आकाश पातालको फरक छ
मेरो कलालकारिता यात्रा सुरु हुँदा लोकतन्त्र आएको थिएन । मेरो कलाकारिता यात्रा पञ्चायत काल देखि नै सुरु भएको हो । अहिले र पहिलाको कलाकारिता यात्राको कुरा गर्ने हो भने आकाश पातालको फरक छ । हामीले व्यङग्य गर्ने हरेक शब्दको सेन्सर हुन्थ्यो । व्यङग्य गर्ने विषय वस्तुलाई पनि कलात्मक ढङगबाट उठाउनु पर्थ्यो । लोकतन्त्र पछि धेरै कुरामा परिवर्तन आएको छ । अहिले सिधा—सिधा गोली हानेको जस्तै गरी व्यङग्य गर्न थालिएको छ । पहिले प्रज्ञा भवनमा देखाईने गाईजात्रामा भुपि शेरचन देखि धेरै ठूला व्यक्तिहरु आउनु हुन्थ्यो र उहाँहरुले सेन्सर गर्नुहुन्थ्यो । त्यसपछि मात्र प्रस्तुति दिन पाईन्थ्यो । पहिला गाह्रो थियो तर रमाईलो पनि थियो । अहिले भने कलाकारलाई लोकतन्त्रले खुल्न दिएको छ । आफूले प्रस्तुत गर्ने कुरा आफैले लेख्ने हो । यो क्षेत्रमा नयाँ —नयाँ कुरा ल्याउनु पर्ने हुन्छ । अरुले पस्किसकेका कुराहरु दर्शक श्रोताले मन पराउँदैनन् ।

IMG_2689

महजोडी नाम मैले राखिदिएँ तर मेरो जोडी भने चीरा पर्यो
पहिला हाँस्य कलाकार किरण केसी र मेरो जोडी निकै जमेको थियो । हामीलाई महको किरा जोडी भन्ने गरिन्थ्यो । त्यो नाम पनि हामीले राखेको होईन पोखरा बासीले राखिदिनु भएको नाम हो । बरिष्ठ हाँस्य कलाकार मदकृष्ण श्रेष्ठ र हरिवंश आचार्यको महजोडी मैले नै राखिदिएको नाम हो । यो कुरा हरिवंश आचार्यले लेख्नु भएको उपन्यास ‘चिना हराएको मान्छे ’मा पनि उल्लेख गरिएको छ । तपाईँले पढ्नु भयो भने थाहा पाउनुहुन्छ । एकपटक विज्ञापन नाटक चलिरहेको थियो । त्यो नाटकमा राजु भुजुले उद्घोषण गर्नुभएको थियो । एक दिन उहाँको आवाजमा समस्या आयो अनि मदनदाईले उद्घोषण गर्ने जिम्मा मलाई दिनुभयो । अब नयाँ कुरा के भन्ने होला भन्ने मनमा पीर पर्यो । अनि मदनकृष्ण र हरिवशंलाई महजोडी भनेर मैले उद्घोष गरँे । सबै जना हाँस्नु भयो । तर दाईहरुलाई त्यो शब्द मन परेछ । त्यसपछि उहाँहरुले आफ्नो जोडीलाई महका नामले चिनाउन थाल्नुभयो । दाईहरुले पछि त्यहि नामबाट महसञ्चार पनि खोल्नु भयो । महजोडी नामबाट उहाँहरु देशकै ठूलो कलाकारको रुपमा चिनिनु भयो । उहाँहरुको चर्चासँगै महजोडीको नाम राख्ने मान्छेले आफ्नो जोडीको नाम किन नराखेको भन्ने कुराहरु आउन थाले ।

अनि हामीले सबैलाई हाम्रो त किरा जोडी हुने भयो त्यसैले मन परेन अनि नराखेको भन्यौँ । एकपटक पोखरामा भएको कार्यक्रममा हामीलाई किरा जोडी भनेर सम्बोधन गरियो । त्यो समय देखि नै हाम्रो जोडीको नाम किरा रह्यो । तर त्यो किरा लामो समय रहेन । पछि म अमेरिका गएँ । किरामा चिरा परेको जस्तो भयो । हामी फाट्यौँ । अहिले पनि काम भने दुवै जनाले एउटै क्षेत्रमा गरिरहेका छौ । तर हाम्रो जोडी खासै जम्न सकेको छैन ।

20130906131434_cce0a27837dffe6fc74ef14f670b3dec@filmykhabar.com

जहाँ पनि डिजेसंग झगडा पर्छ
नेपालमा हुने विभिन्न कार्यक्रम विवाह, वर्तबन्धमा जाँदा हिन्दी गीत बजाउनु हुन्छ । अनि म भाई नेपाली गीत छैन ? नेपाली बजाउनुस् न भन्छु । एउटा नेपाली गीत बजाउनु हुन्छ अनि फेरि हिन्दी सुरु गर्नुहुन्छ । अनि मलाई यस्तो गीतहरु सुन्दा रिस उठ्छ । म हाँस्य कलाकार हुँ। संगीतकार, गायक पनि होईन । तर मलाई नेपाली गीतको माया लाग्छ । हामीले मान्छे नेपाली, विवाहमा दुलाहा दुलही नेपाली, हामीले खाने खाना नेपाली, तिर्ने नोट नेपाली तर डिजेले हामीलाई नचाउने गीत भने हिन्दी हुँदा मलाई एकदमै रिस उठ्छ । यहि कारण जहाँ जाँदा पनि मेरो डिजेसँग झगडा पर्छ । रिसको झोकमा, ए भाई तिमीलाई विदेशी एम्बेसी पैसा दिएको छ कि क्या हो ? पनि भन्छु । म झगडा गरेर हिड्ने मान्छे त होईन । तर डिजेले विदेशी गीत बजाउँदा खप्नै सक्दिन । डाहा लाग्छ । डिजेलाई नेपाली गीत बजाऊ भन्छु अनि झगडा परिहाल्छ ।

विदेशी च्यानल हेर्दा नेपाललाई घाटा भयो
अहिले हामी धेरै हाँस्य कलाकारहरु फुर्सदमा छौ । हाम्रो पाटोमा रहेको टेलिश्रृङखलाहरु विविध कारणले आएका छैनन् । हामीले हाम्रो नेपाली च्यानलमा आएको कुराहरुलाई माया गर्दिनु पर्छ । किनभने हाम्रो कुरा हामीले नहेरे कसले हेर्ने ? हामीले माया नगरे कसले गर्ने ? तपाई आफै भन्नुस् । आफ्नो ठाउँको दर्शकले माया गर्दिनु भएन भने कसरी चल्छ ? सबैले विदेशी च्यानल हेर्ने अनि कहाँबाट फस्टाउँछ नेपाली कलाकारिता ? यो कुराले कलाकारलाई होईन, सञ्चालकलाई होईन सिङगो नेपाललाई घाटा भएको छ । अहिले मलाई बद्रीनाथ भटट्राईले लेख्नु भएको शब्दको याद आयो ‘‘विदेशमा फलेको बासी स्याउ भन्दा स्वदेशमा फलेको ताजा नास्पती मिठो हुन्छ’’ । यो शब्द मलाई जहिले याद आउँछ ।

rajaram_act

ओम पुरीसँग काम गरेँ
मैले हिन्दी चलचित्रका कलाकार ओम पुरीसँग साङग्रिला सिरियलमा काम गरेको थिएँ । अहिले त उहाँको निधन भयो । मलाई लाग्छ त्यो सिरियल टेलिकास्ट भएन पनि होला । उहाँसग मेरो ७ पेज लामो सिन थियो । उहाँहरुले नेपाली कलाकार के राम्रो काम गर्ला र भन्ने सोचले नै होला सात पेजको सुटिङको लागि साढे दुई दिन समय दिनुभएको थियो । तर त्यो सिन साढे दुई घण्टामै सकियो । सबै जना छक्क परे । अनि त्यो बेलामा उहाँले मलाई ‘अरे वा नेपालमे ऐसा—ऐसा कलाकार हे ’ भन्नु भएको थियो । यो कुरा अझै पनि याद आउँछ ।
पार्टीको साधारण सदस्य भन्दा, ठूलो पद त कलाकार नै हो
अब अहिले नेपाली कलाकारहरु पार्टी प्रवेशको कुरा पनि निकै चर्चामा आएको छ । केही कलाकारहरु पार्टीमा प्रवेश पनि गरिरहनु भएको छ । मैले यो कुरा भनिरहँदा घमण्ड गरको त होईन तर पार्टीको साधारण सदस्य भन्दा ठूलो पद त कलाकारनै हो नि । हामी कलाकार हौँ । म अहिलेसम्म कुनै पनि पार्टीमा लागेको छैन । तर सबैले हामीलाई यो हाम्रो मान्छे हो भन्छन् नि । तपाईँ एउटा पार्टीमा लागेपछि यो मान्छे यो पार्टीको हो भनेपछि सकियो । कलाकार भन्ने पद जनताले दिएको पद हो । नेता, पार्टीले दिएको पद होईन यो त राष्ट्रले दिएको पद हो ।


below social share detail page adv two

gufgaf.com मा बिज्ञापन दिन ९८०१०८१६१० / ९८०१०५०८८७ मा फोन गर्नुहोस | भिडियो हेर्न यहाँ क्लिक गर्नुहोस | रेडियो अडियोका कार्यक्रम डाउनलोड गर्ने वा लाईभ सुन्न एवंम रेडियो अडियोमा बिज्ञापनका लागि यहाँ क्लिक गर्नुहोस |

     


Loading...

प्रतिक्रिया दिनुहोस

थप समाचार

सम्बन्धित समाचारहरु


Sidebar khuldulee top adv

khuldulee.com

Sidebar khuldulee below adv

धरैले पढेको

testबन्द कोठामा नाना पाटेकर र आयशालाई रंगेहात फेला पारेकि थिइन मनिषाले