AD_ Wide Top

कमेडी


loading...

गुलियो नछुने देउवा, चिल्लो पीरो परे हर्काछन् , फुर्सदमा जोक्स सुनाउँछन्

२७ फागुन, २०७२
गुलियो नछुने देउवा, चिल्लो पीरो परे हर्काछन् , फुर्सदमा जोक्स सुनाउँछन्

शेर बहादुर देउवा हालै भएको नेपाली कांग्रेसको महाधिवेशनबाट निकटतम प्रतिद्धन्दी रामचन्द्र पौडेललाई हराउँदै पार्टी सभापति निर्वाचित भएका छन् । उनको राजनीतिक जीवनका बारेमा संचारमाध्यममा खवरहरु आईरहन्छन् । राजनीतिक ब्यक्तिको, ब्यक्तिगत जीवन भने प्राय गोप्य नै हुने गर्दछ । भनौँ, राजनीतिका अगाडि उनको व्यक्तिगत बानीब्यहोरा, पारिवारिक कुरा संचारमाध्यममा ओझेलमा परेका हुन्छन् । बुढानिलकण्ठमा परिवारका साथ बस्ने देउवाको आज हामीले केही रोचक बानीब्यहोरा समेटी यो सामग्री तयार पारेका छौँ ।
गुलियो नछुने देउवा, चिल्लो पीरो परे हर्काछन्
शेरबहादुर देउवा साढे ७ बजेसम्ममा उठिसक्छन् । ब्यायाम गर्न नरुचाउने देउवा, ग्रिन टि लिन्छन् । पत्रपत्रिका पढ्ने, समाचार सुन्ने, हेर्ने उनको बानी छ । तर, संचारमाध्यममा अभिव्यक्ति दिन भने उनी झर्को मान्छन् । यस कुरामा उनकी श्रीमती आरजुले सम्झाउँछिन् । देउवालाई न व्यायाममा मन जान्छ न योगामा तै पनि स्वस्थ नै देखिन्छन् । तर, खानेकुरामा भने उनी सचेत छन् । गुलियो त उनलाई नदेखाए, नसुनाए पनि हुन्छ । खाना झुक्किएर चिल्लो पीरो परे त उनी हकार्छन् नै । साधारण खाना रुचाउने देउवाको श्रीमती भने खानाकी सौखिन हुन् । उनी श्रीमतीलाई लिएर बाहिर खान जान्छन् । उनलाई रोष्टेड र ग्रिल्ड मासु निकै मन पर्छ । भान्छामा काम गर्न भने उनलाई फिटिक्कै रुची छैन । बुढानिलकण्ठ बस्न थालेको १५ बर्ष भयो, यो अबधिमा उनी मुश्किलले दुई चोटी भान्छा छिरे होलान् ।
नातीनतिना खेलाउने रहर
देउवाले बिबिसी नेपाली सेवाको एक अन्र्तवार्तामा अन्र्तवार्ताकारलाई आफू बृद्ध नभएको बताएका थिए । उनले यस बिषयमा प्रतिपश्न नै गरेका थिए– कसले भन्यो म बूढो भयो भनेर ? म बूढो भएको छैन । स्मरण रहोस् उनी कुनैबेला बिबिसीमै काम गर्थे तर, उनलाई नातीनतिना खेलाउने स्वभाविक रहर भने जागिसेको छ । यसले पनि उनी बुढ्यौली लागेको संकेत गर्छ । उनी अब आफ्नो छोराको बिवाह गरी घरमा बुहारी भित्र्याउन चाहन्छन् । उनी छोराको विवह यस कारण गर्न चाहन्छन् कि, अब उनलाई नातानतिना खेलाउने रहर लागिसक्यो । उनी छोरासँग निकै नजिक छन् । मिडियासँग बोल्न नरुचाउने देउवा छोरासँग भने खुलेर बात मार्छन् । उनी छोरासँग व्यक्तिगतदेखि राजनीतिका गफ पनि गर्छन् । उनका छोरा पोलिटिकल साईन्सकै बिद्यार्थी भएकाले पनि उनी राजनीतिमा चासो राख्छन् ।
देउवाले, एकैचोटी ३६ हजार पैसा माग्दा रिसाईन आरजु
देउवालाई सँधै चिटिक्क परेर हिड्नुपर्छ । उनलाई दौरा सुरुवाल र सुट पाईन्ट निकै मन पर्छ । आफूलाई चाहिएको कपडा उनी आफैँ किन्छन् । र, कार्यक्रम अनुशार पहिरन फेरेर जान्छन् । आफ्ना लागि खर्चको जोहो पनि आफैँ गर्छन् । कहिलकाहीँ उनी श्रीमतीसँग पैसा माग्न पनि पछि हट्दैनन् । एक पटक श्रीमती आरजुले ३६ हजार पैसा उनलाई दिएका छन् । खासमा,देउवाले त्यो रकम एकजना व्यक्तिको श्रीमतीको अप्रेशनका लागि दिएका थिए । यस कुराले आरजुलाई रिस पनि उठेको थियो । उनले त्यो पैसाले, अरुथोकै गर्ने भनेर योजना बनाउँदै आएकी थिईन् ।
बिहान उठेदेखि सुरु हुन्छ देउवाको गाली
देउवा रिसालु स्वभावका छन् । कहिलेकाहीँ त बिहान उठेदेखि उनको गाली सुरु हुन्छ । उनलाई रिसाउन कुनै कारण चाहिदैन । यहाँसम्म कि उनी रिसाएनन् भने आरजुलाई चिन्ता पर्छ–आज उहाँ किन रिसाउनुभएन ? तर, उनी बाहिरका कुरा घरमा ल्याएर भने रिसाउँदैनन् । उनीहरुबीच सहमती नै भएको छ, बाहिरका कुरा घरभित्र नल्याउने । उनी झनक्क रिसाउने बानी भए पनि, त्यो रिस लामोसमयसम्म टिक्दैन । उनी जिद्धी पनि छन् । उनी कम बोल्छन् तर, आफ्नो जिद्धी छाड्दैनन् ।
जोक्स सुनाउँछन् श्रीमतीलाई
उनी रिसालु मात्रै छैनन्, रमाईला पनि छन् । उनलाई जोक्स एकदम मन पर्छ । उनी जोक्सहरु सुन्छन् । उनलाई जोक्स सुन्दा , सुनाउँदा रमाईलो लाग्छ । उनी घरमा जोक्स सुनाउँछन् पनि ।
दिनमै ६० वट्टासम्म चुरोट सकिन्थ्यो
उनी पहिले चुरोटका अम्मली थिए । अहिले छाडिसकेका छन् । दिनमै ६० वट्टासम्म चुरोट सकाउने देउवाले आफ्नै ईच्छाले चुरोट छाडेका हुन् । पेट बढ्ने चिन्ताले बियर खाँदैनन् । कहिलेकाहीँ एक –दुई ग्लास वाइन खान्छन् ।
(यो सामग्री, २६ गते फागुनका दिन, नयाँ पत्रिका दैनिकमा प्रकाशित “यस्ता छन् देउवा “शीर्षकको लेखको आधारमा तयार पारिएको हो ।)

     
Loading...

प्रतिक्रिया दिनुहोस

थप समाचार

सम्बन्धित कमेडी समाचारहरु


khuldulee.com

धरैले पढेको

testविहे विदेशमा भोज नेपालमा : विदेशीसँग लगनगाँठो कस्ने ८  नेपाली सेलिब्रेटी जोडी